WADHAMINI wa uzinduzi wa video ya albamu ya ‘Kamata Pindo la
Yesu’, Kampuni ya Msama Promotions, wametangaza kiingilio cha
kushuhudia uzinduzi huo utakaofanyika Agosti 3, katika Ukumbi wa
Diamond Jubilee, jijini Dar es Salaam.
Kwa mujibu wa Mkurugenzi wa Msama Promotions, Alex Msama, kiingilio
cha chini kwa watu wazima ni sh. 5,000 huku VIP ni sh. 20,000.
Alisema tiketi za viti vya kawaida ni sh. 10,000 huku watoto wataingia kujionea uhondo huo wa aina yake kwa sh. 2,000.
Msama alisema kwa sasa wanafanya taratibu za mwisho ambazo zitafanikisha uzinduzi huo.
Alisema kila tiketi itakuwa na namba ya kiti ili kukwepa usumbufu kwa
mashabiki, na kutambua idadi ya watakaojitokeza ukumbini hapo.
